Fréttir

Leita

Veldu ráðuneyti
Veldu verkefni
Veldu ár
Sýni 44101-44200 af 72392 niðurstöðum
22 október 2013Innviðaráðuneytið

Drög að breyttri reglugerð um gerð og búnað ökutækja til umsagnar

Drög að reglugerð um breytingu á reglugerð nr. 822/2004 um gerð og búnað ökutækja eru nú til umsagnar hjá innanríkisráðuneytinu. Breytingunni er ætlað að innleiða fimm tilteknar gerðir en auk þess innihalda þær nokkur önnur atriði sem rétt þykir að breyta á þessari stundu. Umsagnarfrestur er til og með 1. nóvember og skulu umsagnir sendar á netfangið [email protected].

22 október 2013Atvinnuvegaráðuneytið

Stefnt að því að leggja fram frumvarp um náttúrupassa í byrjun næsta árs

Ragnheiður Elín Árnadóttir, iðnaðar- og viðskiptaráðherra, kynnti á ríkisstjórnarfundi í morgun áform um að setja á fót samráðshóp helstu hagsmunaaðila til að útfæra nánar hugmyndir um svokallaðan náttúrupassa eða ferðakort. Gert er ráð fyrir að vinnu við útfærslu ljúki í lok árs og að frumvarp verði lagt fram á Alþingi í byrjun næsta árs.

21 október 2013Félags- og húsnæðismálaráðuneytið, Heilbrigðisráðuneytið

Ófjármögnuð viljayfirlýsing um hjúkrunarheimili við Sléttuveg

Fyrir liggja samningar við þrjú sveitarfélög á höfuðborgarsvæðinu um uppbyggingu hjúkrunarrýma samkvæmt leiguleið en framkvæmdir eru ekki hafnar. Heilbrigðisráðherra segir eðlilegt að fylgja þeirri uppbyggingu eftir í stað þess að gefa fyrirheit um uppbyggingu við Sléttuveg þar sem ekkert liggur fyrir, hvorki um fjármögnun framkvæmda né rekstrar.

17 október 2013Innviðaráðuneytið

Íslenski sjávarklasinn kynnti innanríkisráðherra stefnu sína til 2030

Flutninga- og hafnahópur Íslenska sjávarklasans hefur gefið út ritið Stefna til 2030 en þar er að finna samantekt um bakgrunn og stefnumótun fyrir Ísland sem miðstöð fyrir flutninga um Grænland og þjónustumiðstöð í Norður-Atlantshafi. Hanna Birna Kristjánsdóttir innanríkisráðherra tók á móti fulltrúum Sjávarklasans sem afhentu henni ritið en ráðherra skrifar formála þess.

15 október 2013Félags- og húsnæðismálaráðuneytið

Mál nr. 18/2013.

Hin kærða ákvörðun Vinnumálastofnunar um að fella niður greiðslur atvinnuleysisbóta til kæranda í tvo mánuði með vísan til 1. mgr. 59. gr. laga um atvinnuleysistryggingar, nr. 54/2006, var ómerkt og málinu vísað aftur til Vinnumálstofnunar til löglegrar meðferðar. Vinnumálastofnun láðist að uppfylla rannsóknarskyldu sinni sbr. 10. gr. stjórnsýslulaga nr. 37/1997 og gæta jafnræðis sbr. 11. gr.…

14 október 2013Forsætisráðuneytið

A-499/2013. Úrskurður frá 10. október 2013

A kærði afgreiðslu fjármála- og efnahagsráðuneytisins á beiðni hans um aðgang að gögnum varðandi Sinfóníuhljómsveit Íslands. Hann óskaði eftir a) gögnum sem ráðuneytið kynni að hafa vegna breytingartillögu meirihluta fjárlaganefndar við aðra umræðu fjárlaga ársins 2012 og b) gögnum sem ráðuneytið kynni að hafa vegna tiltekinnar breytingartillögu á fjáraukalögum fyrir árið 2011.…

14 október 2013Félags- og húsnæðismálaráðuneytið, Heilbrigðisráðuneytið

Bein útsending frá málþingi um framkvæmdaáætlun í málefnum fatlaðs fólks

Málþing um framkvæmdaáætlun í málefnum fatlaðs fólks fer fram í dag, mánudaginn 14. október frá kl. 10-17. Á málþinginu verður leitast við að fá fram umræðu um málaflokkinn á breiðum grundvelli og að þátttakendur deili hugmyndum og læri hver af öðrum. Rætt verður um hvað betur má fara og hvernig bregðast megi við og bæta úr.

11 október 2013Heilbrigðisráðuneytið

Lyfjagreiðslukerfið einfaldað með aukinni sjálfvirkni

Þann 1. desember næstkomandi tekur gildi breyting á nýja lyfjagreiðsluþátttökukerfinu með aukinni sjálfvirkni til einföldunar jafnt fyrir notendur og lækna. Frá þeim tíma öðlast fólk sjálfkrafa rétt til fullrar greiðsluþátttöku sjúkratrygginga í lyfjakostnaði þegar það hefur náð þakinu sem skilgreinir hámarkskostnað einstaklings. Umsókn læknis sem nú er krafist verður þar með óþörf.

11 október 2013Heilbrigðisráðuneytið

Setning nýsköpunarráðstefnu Heilbrigðisvísindasviðs Háskóla Íslands

„Lifandi, opinn og fordómalaus skóli þar sem virðing er borin fyrir öllum fræðigreinum og áhersla lögð á samstarf og samvinnu, slíkur skóli er líklegur til að skapa frjóan jarðveg fyrir nýsköpun“ sagði Kristján Þór Júlíusson heilbrigðisráðherra þegar hann setti í dag fyrstu nýsköpunarráðstefnuna sem Heilbrigðisvísindasvið Háskóla Íslands stendur fyrir.

Var efnið hjálplegt?